ДХХ “Док-1 Макс” дорисини Ўзбекистонга олиб кирган МЧЖ мансабдорларига жиноят иши қўзғатди
Ҳолат юзасидан гумонланувчи шахслар ДХХ Тергов ҳибсхонасига жойлаштирилди.
Самарқандда “Док-1 Макс” дорисини истеъмол қилган 18 нафар бола вафот этгани кенг муҳокамаларга сабаб бўлмоқда.
Давлат хавфсизлик хизмати хабарига кўра, Ҳиндистон давлатининг “Marion Biotech Pvt. Ltd” компаниясига тегишли мазкур дори воситаcи Ўзбекистонга “Quramax Medical” МЧЖ томонидан импорт қилиниб, савдога чиқарилган.
Таъкидланишича, препарат уй шароитида болаларга шифокор рецептисиз, ота-оналар томонидан мустақил ёки дорихона сотувчиларининг тавсияси билан шамоллашга қарши восита сифатида нотўғри қўлланилган.
Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш давлат маркази хулосасига кўра, “Док-1 Макс” сиропи меъёрий ҳужжатда белгиланган талабларга жавоб бермайди.
Ҳозирда ҳолат юзасидан Давлат хавфсизлик хизматининг Тергов бошқармаси томонидан “Quramax medical” МЧЖ ҳамда “Дори воситаларини стандартлаштириш илмий маркази” МЧЖ мансабдор шахсларига нисбатан Жиноят Кодексининг 186-3 моддаси (Сифатсиз дориларни сотиш тўғрисида) 4-қисми “а” банди билан жиноят иши қўзғатилиб, гумонланувчи шахслар ДХХ Тергов ҳибсхонасига жойлаштирилди.
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази ТОП–20 “Ақл марказлари” қаторидан жой олди 
Бугун “метан заправкалар” ижтимоий соҳа ва жамоат транспорти учун фаолият юритади 
“2-Халқаро Наманган авто фестивали” олдидан матбуот анжумани бўлиб ўтди 
Дастлабки эшитув институти 
Дастлабки эшитув институти 
Истеъмолчилар ҳуқуқларини ёритишда фаоллиги учун Jurnalist24.uz жамоаси тақдирланди 
Қозоғистон уруш сабаб келган россияликларни оммавий депортация қилмоқчи — ҳуқуқ ҳимоячилари