Депутатлар O’zLiDeP сайловолди дастурининг ижтимоий соҳани ривожлантириш борасидаги мақсадларини амалга оширишда фаоллик кўрсатишмоқда.

O’zLiDeP сайловолди дастурининг муҳим йўналишларидан бири – партиянинг ижтимоий соҳани ривожлантириш соҳасида кам таъминланган оилаларни қўллаб-қувватлаш бўйича мақсадли ижтимоий дастурларни амалга ошириш вазифалари ижросини таъминлаш мақсадида, Халқ депутатлари Маҳаллий Кенгаши депутатлари Олимхон Бабаханов, Ғиёсиддин Бабахановлар ва Қобилжон Дадабаевлар томонидан сайлов округи худудида тизимли ишлар амалга ошириб келинмоқда.
Депутатлар ташаббуси билан Наманган шаҳридаги Чорсу, Соҳибкор, Ойдинкўл ҳамда Давлатобод туманидаги Тўқувчи ва Мустақиллик маҳаллаларидаги ёши улуғ кексалар, ижтимоий ҳимояга муҳтож оилалар ҳолидан хабар олиш мақсадида хайрия тадбирлари ташкил этилди.
Тадбирлар давомида маҳаллалардаги боқувчисини йўқотган, якка-ёлғиз ва бемор ётган 25 нафар кексалар ҳолидан хабар олинди.