Sharqiy harbiy okrug qo‘shinlari qo‘mondoni general-mayor Aybek Saidov va Namangan viloyat hokimi Shavkat Abdurazzakov viloyatda tashkil etilgan “Jasorat maktabi” o‘quv yig‘ini ishtirokchilari bilan gulhan atrofida uchrashdi.

Yoshlar bilan suhbat chog‘ida ularning muammolari eshitildi, ijtimoiy holati o‘rganildi. Xususan, 27 yoshdan o‘tgan 3 nafar yigitga harbiy guvohnoma, «Yoshlar daftari»ga kiritilgan 8 nafar yigitga esa Safarbarlik chaqiruvi rezervida xizmat qilish uchun badal pullari to‘lab berilishi bo‘yicha sertifikatlar topshirildi.

Bundan tashqari, muddatli harbiy xizmatga borish istagini bildirgan 6 nafar yoshga tibbiy komissiyadan o‘tishlari uchun yo‘llanmalar berildi hamda 3 nafaridan oliy harbiy bilim yurtiga o‘qishga kirish uchun arizalar qabul qilindi.