Ёшларни бўш вақтларини мазмунли ташкил этиш ватанпарварлик руҳида тарбиялаш борасида олиб борилаётган ишлар самарадорлигини ошириш ва қамровини кенгайтириш мақсадида бугунги кунда Наманган вилояти Қўриқлаш бошқармаси томонидан вилоят худудидаги олий таълим муассасалари билан доимий ҳамкорлик йўлга қўйилиб, тизимли ишлар олиб борилмоқда.
Талабалар ва ходимларнинг ўзаро яқинлигини таъминлаш улар орасида мустахкам кўприк ҳосил қилиш мақсадида Наманган давлат университети талабалар тураржойида талаба ёшлар ҳамда Қўриқлаш бошқармаси ходимлари ўртасида футбол спорт тури бўйича мусобақа ўтказилди.
Ўтказилган мусобақа қизиқарли бахсларга бой бўлди, нафақат талабалар балки ходимлар ҳам бир олам завқ олдилар.