Таълим ташкилотларидаги муаммолар ўрганилмоқда

Мактабгача ва мактаб таълими вазири ўринбосари Темур Комилов бошчилигидаги ишчи гуруҳ Навоий вилоятидаги таълим ташкилотларида мавжуд муаммоларни ўрганмоқда.

Ўрганиш давомида Кармана туманидаги 6-сонли мактабининг куз-қиш мавсумига тайёргарлик ҳолати, 14-сонли мактаб ҳамда туманнинг 4 та маҳалласида янгидан бунёд этилаётган мактабгача таълим ташкилотларининг қурилиш жараёнлари кўздан кечирилиб, 14-сонли мактабда қўшимча бинонинг қурилиш ишларини жадаллаштириш тўғрисида кўрсатма берилди.

Шунингдек, тумандаги 21-сонли мактабда бўлиб ўтган педагоглар билан мулоқотда муаммолар ва таклифлар эшитилди.

Вазирлик ишчи гуруҳи таълим ташкилотлари муаммоларини  ўрганишда давом этмоқда.