Google бош директори Сундар Пичаи Ҳиндистоннинг Ченнай шаҳрида ўсган. Ёшлигида унда компьютер ёки Интернет йўқ эди — ҳатто оддий телефон ҳам йўқ бўлган.

У Ҳиндистонда металлургия бўйича муҳандислик соҳасида таҳсил олди. Шундан сўнг, АҚШга кетади ва у ерда IТ бўйича ўқийди.

Пичаи 2004 йилда Google’га қўшилиб, 2015 йил 2 октябрда Google’нинг бош директори бўлди ва 2019 йил 3-декабрда Сундар Пичаи Google’нинг эгаси бўлмиш Alphabet компаниясининг бош директори бўлди, шу билан бирга Google’даги мавқеини сақлаб қолди.

Alphabet ва Google бош директори Сундар Пичаи 2019 йил охирида $280,6 миллион бонус олди. Ундан ташқари, Пичаининг маоши йилига $2 миллионга тенг.

Бугунги кунда компания нархи унинг қўл остида $1,581 трлн га етди ва 2021-йилни $257,49 млрд савдодан $76,03 млрд соф фойда билан ёпди.