Ҳиндистонда аттракцион қулаб тушди

Ҳиндистоннинг Ҳаряна штати, Фаридобод туманида жойлашган Суражкунд ярмаркасида аттракцион қулаб тушиши оқибатида бир киши ҳалок бўлди, 13 киши жароҳат олди.

ТОШКЕНТ. 8 февраль – Jurnalist24.uz Маълумотларга кўра, ҳодиса улкан айланувчи арғимчоқларнинг ён таянч конструкцияси ўриндиқлар энг юқори нуқтага чиққан пайтда синиб кетгани сабабли юз берган. Натижада аттракциондаги одамлар ерга қулаб тушган.

Воқеа вақтида платформанинг эгилаётганини кўриб, одамларни қутқаришга уринган полиция инспектори ҳалок бўлган. Жароҳатланган 13 нафар фуқаро эса шифохонага ётқизилган.

Фаридобод тумани комиссари Аюш Сингҳнинг маълум қилишича, мазкур платформа операторига нисбатан жиноий иш қўзғатилади.