Шахмат ва шашка тахталарида МИБ ходимлари дона сурдилар

Мажбурий ижро бюроси Наманган вилоят бошқармаси, шаҳар ва туманлар бўлимлари ходимлари ўртасида соғлом турмуш тарзини кенг тарғиб этиш,спорт турларини янада оммалаштириш мақсадида мусобақа ва турнирлар ташкил этилмоқда

Вилоят спорт бошқармаси ҳамда Давлатобод тумани спорт мактаби ҳамкорликда ўтказилган навбатдаги мусобақада ходимлар шахмат ва шашка тури бўйича «Бошқарма бошлиғи» соврини учун ўзаро баҳс олиб бордилар.

Бош прокуратура ва Мажбурий ижро бюросининг йил давомида ташкил этиладиган мусобақаларнинг дастлабкисида 20 нафардан ортиқ ҳаваскор спортчи ходимлар иштирок этди.

Ўзаро дўстлик, рақобат ва муросасиз баҳслар якунига кўра, шахмат бўйича Бюронинг Мингбулоқ туман бўлими ходими Бекзод Абдураҳмонов мусобақа ғолиблигини қўлга киритди. Иккинчи ўрин Бюронинг Давлатобод туман бўлими давлат ижрочиси Жаҳонгир Раҳимов , учинчи ўрин эса Бюронинг Поп туман бўлими давлат ижрочиси Шерзод Эргашевга насиб этди.

Шашка бўйича эса баҳслар якунларига кўра, Бюронинг вилоят бошқармаси инспектори Абдулбоситхўжа Хамроев мусобақа ғолиблигини қўлга киритди. Иккинчи ўрин бошқарма ходими Фарход Раҳимов, учинчи ўринни эса Бюронинг Янгиқўрғон туман бўлими давлат ижрочиси Улуғбек Машараповга насиб этди.

Мусобақа якунида ғолиб ва совриндорлар бошқарма бошлиғи ва бошланғич касаба уюшмаси қўмитасининг диплом ва қимматбаҳо совғалар билан тақдирландилар.

МИБ Наманган вилояти бошқармаси Ахборот хизмати.