ВИДЕОКОНФЕРЕНЦАЛОҚА

Суд-ҳуқуқ тизимидаги ислоҳотлар ва янгиланишлар қамровини мужассам этган ҳолда соҳа фаолияти истиқболи назарда тутилаётган қонун биланЎзбекистон Республикасининг Иқтисодий процессуал кодекси ҳам такомиллаштирмлмоқда.

Хусусан, Иқтисодий процессуал кодекснинг 166-моддасига киритилган қўшимча ва ўзгартиришларга биноан:

“Ишда иштирок этувчи шахсларнинг видеоконференцалоқа режимидаги суд мажлисида иштирок этишини таъминлаш учун кўрсатилган шахсларнинг яшаш жойи, жойлашган ери ёки турган жойи бўйича тегишли судларнинг видеоконференцалоқа тизимларидан ёхуд ишни кўраётган суднинг мобиль видеоконференцалоқа тизимидан фойдаланилади”;

Шунингдек, Кодекс қуйидаги мазмундаги бешинчи қисм билан тўлдирилмоқда:

“Видеоконференцалоқа режимидаги суд мажлисида видеоконференцалоқа тизимидан фойдаланган ҳолда иштирок этаётган гувоҳларга, экспертларга, мутахассисларга, таржимонларга ўз ҳуқуқлари, мажбуриятлари ва жавобгарлиги тушунтирилганлиги аудио- ва видеоёзув орқали қайд этилади ва бу ҳақда суд мажлиси баённомасида кўрсатилади”.

Бекзод АБДУРАҲМАНОВ,

Наманган вилояти Маъмурий суди судья катта ёрдамчиси

 Мирмуҳаммад МИРҲАЙДАРОВ,

Наманган туманлараро Маъмурий суди судья ёрдамчиси