Коррупцияга қарши курашиш ҳар биримизнинг бурчимиз

Коррупцияга қарши кураш масаласи кетганда албатта биринчи ўринда ҳалқаро шартномаларни айтиб ўтиш лозим.

Ўзбекистон Республикаси тоомнидан Бирлашган миллатлар ташкилотининг коррупцияга қарши конвенцияси 2008 йил 7 июлда ратификация қилинган бўлиб, шу кунга қадар коррупцияни олдини олиш масаласида кўплаб қонун нормалари қабул қилиндию Шу билан бирга бир бу соҳадаги кўрсатгичлар бир мунча ижобий томонга ўзгарди деб айтиш мумкин.

Шу муносабат билан 2017 йил 3 январда Ўзбекистон Республикаси “Коррупцияга қарши кураш тўғрисида”ги Қонуни қабул қилинди.

Ушбу Қонунда ҳам Ўзбекистон Республикасининг халқаро шартномасида коррупцияга қарши курашиш тўғрисидаги қонунчиликда назарда тутилганидан бошқача қоидалар белгиланган бўлса, халқаро шартнома қоидалари қўлланилади дея белгилаб қўйилди.

Қонунда коррупцияга таъриф берилиб -шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиш коррупция деб бахоланиши белгиланди.

Шунингдек, Коррупцияга қарши курашиш соҳасидаги давлат сиёсатининг асосий йўналишлари сифатида:

аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш;

давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш;

коррупцияга оид ҳуқуқбузарликларни ўз вақтида аниқлаш, уларга чек қўйиш, уларнинг оқибатларини, уларга имкон берувчи сабаблар ва шарт-шароитларни бартараф этиш, коррупцияга оид ҳуқуқбузарликларни содир этганлик учун жавобгарликнинг муқаррарлиги принципини таъминлаш эканлиги кўрсатиб ўтилди.

Бундан ташқари, 2017 йил 8 сентябрда Ўзбекистон Республикасида Маъмурий ислоҳотлар концепцияси қабул қилинди.

Концепцияда, “ягона дарча”, шу жумладан, идоравий марказлар негизида жисмоний ва юридик шахсларга давлат хизматлари кўрсатиш ягона марказларини ташкил этиш, барча давлат хизматларини тартибга солиш, уларни ягона реестрга киритиш, давлат хизматлари кўрсатишда ижро этувчи ҳокимият органлари томонидан идоралараро ҳамкорлик орқали олиш лозим бўлган ҳужжатлар ва маълумотларнинг рўйхатини белгилаш ва босқичма-босқич кенгайтиришвазифалари қўйилди.

Шунингдек, бу йўналишда ишларни ташкил этиш учун аввало юридик хизмат соҳасида ислохотлар бошланди. Жумладан, “Юридик хизмат фаолиятини тубдан такомиллаштириш чора-тадбирлари тўғрисида”ги 2017 йил 19 январдаги 2733-сонли Президент қарори билан “Давлат органлари ва ташкилотларининг юридик хизмати тўғрисида” Низом тасдиқланди.

Бу миллий қонунчилигимизни коррупциядан холи нормалар билан тўлдириб боришни назарда тутди.

Коррупцияни олдини олиш масаласидаги Қонунчилик юзасидан жуда кўп чоралар қўлланилганлигини айтиш мумкин. Бу сохадаги қонунлар жахон стандартларига жавоб берадиган даражада мукаммаллашган деб бемалол айтиш мумкин.

Лекин, бу конун хужжатлари мавжуд бўлсада, уларда жавобгарликнинг турли даражалари белгиланган бўлса-да, буларгача бўлган жараёнлар,яъни ҳуқуқий онг, маънавият масалалари билан шуғулланмас эканмиз жавобгарликни кучайтириш ёки оғирроқ жазо турларини қўллаш билан энг оптимал ечимга эриша олмаймиз.

Бу ўринда жамиятда ҳуқуқий онг ва ҳуқуқий маданиятни ривожлантириш орқали коррупцияга карши кураш самарали ечимдир.

Мухтасар қилиб айтганда, коррупциясиз самарали ва унумли мехнат олиб бориш, ўз устида ишлаш оила ва фарзандларни халол ризқ билан боқиш тарбиялаш энг катта неъмат эканлигини онгига сингдириш лозим.

Наманган туманлараро маъмурий суди судьяси Абдувалиев Муҳаммадусмон Абдумажидович

Наманган туманлараро маъмурий суди судьяси Мухиддинов Улуғбек Абдувохидович