«Наманган тўқимачилик саноати институтини ташкил этиш тўғрисида»ги Президент қарори (ПҚ–386-сон, 05.10.2022 й.) қабул қилинди.

Қарорга кўра, Институт тўқимачилик саноати тармоқлари учун меҳнат бозорида рақобатбардош, юқори малакага эга олий маълумотли ва илмий-педагог кадрлар тайёрлайди.

2024/2025 ўқув йилига қадар Институт ҳузурида тўқимачилик технопарки фаолияти йўлга қўйилади.

2026/2027 ўқув йилига қадар Институтнинг камида 2 та бакалавриат таълим йўналиши ва 3 та магистратура мутахассислиги халқаро тан олинган ташкилотлар аккредитациясидан ўтказилади.

Шунингдек, Институт таркибида қуйидагилар юридик шахс мақомисиз ташкил этилади:

• Илғор тўқимачилик муҳандислиги мактаби;
• Дизайн студияси;
• Инновациялар ва технологиялар трансфери маркази.

Институтда ўқиш қуйидаги таълим йўналишлари ва мутахассисиликлар бўйича ташкил этилади:

• Бакалавриат таълим йўналишлари:
• Тўқимачилик муҳандислиги;
• Тўқимачилик машиналари муҳандислиги;
• Саноат маҳсулотларини лойиҳалаш ва муҳандислик иши;
• Тўқимачилик кимёси, бўяш ва пардозлаш муҳандислиги;
• Табиий толаларни дастлабки ишлаш технологияси;
• Тўқимачилик ва енгил саноат дизайни.

Магистратура мутахассисликлари:

• Тўқимачилик муҳандислиги;
• Тўқимачилик маҳсулотларини ишлаб чиқариш технологияси (маҳсулот турлари бўйича);
• Тўқимачилик машиналари муҳандислиги;
• Саноат маҳсулотларини лойиҳалаш ва муҳандислик иши;
• Тўқимачилик кимёси, бўяш ва пардозлаш муҳандислиги;
• Табиий толаларни дастлабки ишлаш технологияси;
• Тўқимачилик ва енгил саноат дизайни;
• Тўқимачилик маҳсулотлари маркетинги.